Pontevedra renova o seu 'amor' pola bicicleta cunha multitudinaria pedalada popular
Pontevedra é unha cidade perfecta para desprazarse en bicicleta. E moito máis se se fai baixo un sol radiante e temperaturas primaverais. ÿ o que pensaron preto de dous mil pontevedreses que participaron este domingo na quinta edición da Pedalada popular de Pontevedra. Foi, segundo fontes municipais, o ano que máis persoas decidiron demostrar a súa afección á bicicleta.
Foi un encontro ciclista de carácter familiar que buscaba fomentar o uso da bicicleta na cidade. Ataviados con casco e as proteccións correspondentes, pequenos e maiores gozaron dunha xornada saudable en familia. Era o evento central da Biciweek, toda unha semana de actividades dedicadas á promoción deste medio de transporte.
Os participantes concentráronse ás 10.30 horas na Praza da Peregrina, de onde saíron media hora despois. Tras un amplo percorrido de case oito quilómetros polas rúas do centro da cidade e chegar ata a Illa das Esculturas, os ciclistas de todas as idades que formaron a caravana multicolor desta pedalada regresaban ao punto de saída preto de hora e cuarto despois.
Toda unha festa da bicicleta na que, segundo a Policía Local, non se produciu ningún tipo de incidente.
Relacionadas:
-
Un millar de ciclistas únese á Pedalada máis solidaria
Por Redacción & Diego Torrado |
-
Pontevedra sobe sobre dúas rodas para animar a queimar graxa, non gasolina
Por Diego Torrado |
-
A "exitosa participación" na Biciweek fai pensar xa en novas edicións
Por Redacción |
-
As bicicletas 'invaden' a Praza da Ferrería para participar na Mostra da Bici
Por Alejandro Espiño |
-
Un vendedor da ONCE, Premio Mobilidade Ciclista por usar a bici "chova ou faga bo tempo"
Por Natalia Puga |
-
Pontevedra vive unha Biciweek porque 'En bici mola'
Por Natalia Puga |