O Comité de Ence en Pontevedra convocou folga durante catro días como medida de protesta polas últimas medidas da empresa. Fontes da factoría de Ence confirmaron que a decisión foi consensuada polos comités de empresa de Ence en Pontevedra, Navia e Huelva.

Esta folga comezaría o venres día 26 de abril ás 14,30 horas e rematará a esa mesma hora do luns día 29.

Segundo estas mesmas fontes a convocatoria responde aos "despedimentos" levados a cabo na planta de Pontevedra como consecuencia da "supresión" dun posto, así como rexeitan "o despedimento" de interinos nas oficinas centrais de Navia e Pontevedra e "o expediente sancionador" aberto a tres empregados de forestais en Huelva.

Para a próxima semana están convocadas varias reunións entre os representantes dos traballadores e a dirección da compañía pastera, algunhas delas relacionadas co plan de competitividad laboral trala retirada temporal do ERE.