O acceso a Coto, en Caritel, xa está "perfectamente acondicionado"
Por Redacción
Os veciños do lugar de Coto, en Caritel, xa poden entrar nas súas vivendas sen problemas. Operarios municipais veñen de rematar as obras para acondicionar o camiño de acceso.
O camiño, segundo o proxecto de reforma, atopábase nun estado pésimo. O primeiro tramo foi formigonado hai anos, pero apenas conservaba o pavimento, mentres que o resto estaba en terra. Agora, os seus 100 metros de percorrido, quedan perfectamente acondicionados.
As obras inclúen aplicación de zahorra e formigonado completo, agás o último treito onde o camiño remata. O propietario da última vivenda pediu expresamente que se deixase en pedra tipo macadam para evitar que a pendente arrastrase as augas pluviais.
O alcalde, Andrés Díaz, visitou as obras e comprobou os resultados, que inclúen a consolidación dun pequeno muro de mampostería que se tiña derrubado contra a vía pública, dificultando o paso.
O acceso comunica as vivendas coa pista principal, a carón da igrexa de Caritel. O arranxo viña sendo reclamado repetidamente ao longo dos últimos anos sen que ata o de agora as peticións tiveran sido atendidas.