As pequenas e medianas empresas e os autónomos afectados pola crise económica de Pescanova poderán recibir asesoramento na Cámara de Comercio de Pontevedra.

A institución cameral anunciou a posta en funcionamento da "Agrupación de Afectados por Pescanova", que ten por obxectivo aclarar as dúbidas ou axudar ás pequenas empresas de pesca, conservas, transporte ou loxística que traballan para a multinacional con sede en Chapela, a segunda empresa en tamaño de Galicia tras Inditex.

Todos os interesados serán atendidos, segundo a Camara, por profesionais economistas, avogados e asesores. A asistencia prestarase nas oficinas da entidade situadas nos Xardíns de Vincenti de Pontevedra ou a través do correo electrónico afectadospescanova@camarapontevedra.com.