Os furancheiros de Marín e o Concello achegan posturas tras a última modificación da ordenanza
Por Redacción
A alcaldesa de Marín, María Ramallo, mantivo este mércores unha reunión con representantes dos furancheiros da localidade para abordar os detalles que rexerán esta actividade económica tras a recente modificación da ordenanza reguladora aprobada no pleno da corporación.
O Concello e o sector achegaron posturas e definiron modos de funcionamento como, por exemplo, a realización dunha inspección anual aos establecementos. Os furancheiros expuxeron a petición de que non se fagan esas inspeccións, pero o Concello negou esa posibilidade.
Respecto diso, a concelleira de Turismo, Cristina Acuña, explicoulles que non era posible a súa petición. Indicou que noutros concellos cóbranselles taxas de lixo distintas á do resto do ano durante o tempo de actividade, pero en Marín optouse por non acerlo. O que si lles esixen é que pasen as inspeccións.
Segundo indicou o Concello, finalmente, as dúas partes quedaron conformes.
A ordenanza municipal modificouse porque, tras o cambio do Plan Xeral de Marín, non era posible autorizar a instalacion de furanchos en chan clasificado como urbano, varios que estiveran toda a vida funcionando quedaban fóra. Unha vez levada a pleno, e aprobada por unanimidade, entrará en vigor unha nova norma que si permitirá que un furancho, unha vez que cumpra todos os requisitos recolleitos na devandita ordenanza, poida manter a súa actividade.
Na reunión os furancheiros tamén propuxeron valorar a súa presenza nalgunha feira onde estean presentes outro postos para dar a coñecer o seu viño. O Concello valorou a idea de forma positiva e acordaron que se presentará unha proposta.
Relacionadas:
-
Comeza a tempada de furanchos en Marín
Por Redacción |
-
Aos furancheiros de Marín gústalles a modificación da ordenana que regula os seus establecementos
Por Oskar Viéitez |
-
Nove furanchos de Marín cumpren con toda a normativa municipal
Por Redacción |
-
Marín unifica a imaxe identificativa dos seus furanchos
Por Redacción |
-
Os furanchos de Marín, obrigados a amosar un cartel identificativo
Por Redacción |
-
Os furancheiros piden ao concello de Marín que controle aos 'ilegais'
Por Redacción |