Costas desafectará os terreos para ampliar a praia fluvial de Ponte Sampaio
Por Redacción
O servizo provincial de Costas iniciou os trámites para desafectar os terreos situados entre a ponte medieval e o colexio de Ponte Sampaio, ocupados principalmente polo actual campo de fútbol. O proceso, solicitado polo Concello hai uns meses, permitirá ampliar a praia fluvial da parroquia.
Costas abriu o proceso de exposición pública para que, os posibles afectados, poidan presentar as súas alegacións.
Se non hai oposición, o Goberno cedería todos estes terreos -duns 20.000 metros cadrados- ao Concello para que poida executar as obras.
O proxecto municipal para este ámbito ascende inicialmente a 2,7 millóns de euros.
O actual campo de fútbol será derrubado para poder ampliar o areal, crear novas zonas verdes, mellorar o parque infantil, dotar á parroquia dun espazo polivalente para deportes e actos culturais ou facer máis grande o aparcadoiro. Esta actuación está valorada en 1,4 millóns.
Tras comprar uns terreos de 11.000 metros cadrados enfronte do actual campo -non afectados por Costas-, o Concello destinará 1,3 millóns a construír as novas instalacións deportivas.
Para iso asinará o mes que vén un convenio coa Deputación, que inclúe tamén o campo que se fará en Campañó. Ambos serán de céspede artificial.
Relacionadas:
-
O Concello negocia con Costas a cesión de terreos en Ponte Sampaio, Mollabao, Malvar e na contorna do Pavillón
Por Redacción |
-
O Concello acelera con Costas os trámites para desafectar os estacionamentos do pavillón
Por Redacción |
-
Silva e Lores asinan un convenio de 2,4 millóns para financiar dous campos de fútbol
Por Oskar Viéitez & Mónica Patxot |
-
Alertan dos problemas de seguridade viaria na PO-264 ao seu paso por Ponte Sampaio
Por Alejandro Espiño |
-
Os comuneiros de Campañó ceden terreos ao Concello para un novo campo de fútbol
Por Alejandro Espiño |
-
Revolución en Ponte Sampaio: haberá campo de fútbol novo e duplicarase o tamaño da praia
Por Alejandro Espiño |