Sanxenxo recada case medio millón de euros en 2017 polo parking do porto
Por Redacción
A recadación do parking do porto deportivo de Sanxenxo alcanzou os 472.762 euros durante o pasado ano 2017. Son case 20.000 euros máis que o exercicio anterior.
No informe presentado por Nauta, contabilizáronse un total de 211.657 tickets expedidos en 2017, o que supón un incremento de 15.556 tickets con respecto ao 2016. Días como o 19 de agosto ou o 4 de setembro destacan no calendario polos máis de 1.200 usuarios rexistrados.
A estes datos hai que sumar as 5.326 entradas rexistradas no parking superior da Praza do Mar, que entrou en funcionamento este verán cunha recadación estimada de 17.000 euros.
A estancia media dos vehículos no parking é de case dúas horas, sendo máis elevada en meses como agosto con 2 horas e 40 minutos de media, e máis baixa en xaneiro, con 1 hora e 20 min de estancia media.
Un total de 2.250 persoas, por outra banda, usaron o alcoholímetro desde a súa instalación no aparcadoiro do porto deportivo.
Este dispositivo, que tivo un custo de 900 euros, foi instalado co fin de comprobar se a persoa que fai uso do supera ou non a taxa do alcol permitida pola lei.
O lugar elixido para a súa colocación foi unha das entradas do parking, xunto á máquina de pago de tickets, por ser esta a zona na que se concentra principalmente a movida do municipio.
Esta iniciativa tivo como obxectivo principal concienciar ao condutor da incompatibilidade entre o consumo de alcol e a condución.
Relacionadas:
-
Nauta pon a punto o porto deportivo de Sanxenxo
Por Redacción |
-
Sae publicada a ordenanza reguladora da vídeo vixilancia en Sanxenxo
Por Oskar Viéitez |
-
Medran os tránsitos de embarcacións recreativas en Combarro e Sanxenxo
Por Redacción |
-
Máis de 2.000 persoas usaron o alcoholímetro do porto deportivo de Sanxenxo
Por Redacción |