Os alumnos da Escola Naval estrearán os novos laboratorios neste trimestre
Por Oskar Viéitez
O Centro Universitario da Defensa da Escola Naval Militar de Marín está ocupado en equipar e amoblar os novos laboratorios. A previsión é que estea plenamente operativo nos próximos dous ou tres meses.
Segundo informaron fontes oficiais da Escola Naval Militar, o pasado venres 12 de xaneiro tivo lugar o acto de recepción das obras de reforma das aulas de investigación de mans da empresa Extraco Construcción y Proyectos S.A.
A obra deu comezo no ano 2015 coa redacción do primeiro proxecto e dividiuse en tres fases. Na primeira acometeuse o traslado do Pañol de Infantería de Mariña que ocupaba ese edificio, ao barrio industrial. A segunda fase centrouse na reforma das aulas de investigación e agora corresponde dotalas de equipamento.
Esta remodelación e ampliación proporcionaralle á escola 600 metros cadrados repartidos en sete laboratorios diferentes dedicados á investigación: radar, mecánica, medidas, fluídos, química, simulación, entre outros.
O proceso de implantación do novo modelo de ensino na ENM xerou a necesidade de incrementar o número de laboratorios, xa que os seis laboratorios específicos cos que xa contaba dedícanse de maneira intensiva á actividade docente das materias do novo plan de estudos.
Relacionadas:
-
A Escola Naval Militar celebrará en xuño o 75 aniversario da súa chegada a Marín
Por Redacción |
-
A Fiscalía pide catro anos de cárcere para cinco alféreces da Escola Naval por acosar un compañeiro
Por Redacción |
-
En Marea pide a Defensa o uso civil das instalacións deportivas e sanitarias da Escola Naval
Por Oskar Viéitez |