Ponte Caldelas suspende a súa Noitevella polo mal tempo
Por Redacción
Todos os actos previstos en Ponte Caldelas para a festa de Fin de Ano foron cancelados. Así o anuncia o goberno municipal. As previsións meteorolóxicas para o domingo, que falan de chuvias intensas, é o motivo desta suspensión.
A festa ía celebrarse baixo carpa na Alameda, pero o Concello asegura que non se pode garantir a seguridade e o benestar dos participantes nunha festa que o ano pasado concitou a máis dun milleiro de persoas.
O pavimento de terra da Alameda non permite un goce axeitado por moito que se instale a carpa e os equipos eléctricos de iluminación e son sofren en condicións de choivas intensas.
O alcalde, Andrés Díaz, explica que, diante destas circunstancias, barallouse alugar o local da antiga discoteca Reyvi, pero xa está reservado dende hai tempo por un colectivo local que vai celebrar alí a súa propia festa de Noitevella, para a que mesmo vendeu entradas, polo que esta opción tampouco foi posible.
Queda tamén suspendida a toma anticipada das uvas, que se celebra habitualmente ás 12.00 horas diante da Casa de Cultura, pois prevese que as precipitacións sexan especialmente intensas durante a mañá.
Relacionadas:
-
Na Noitevella, festa rachada en Ponte Caldelas
Por Redacción |
-
Ponte Caldelas rectifica e programa de novo a festa nocturna de Fin de Ano
Por Redacción |
-
Ponte Caldelas repartirá en Nadal 5.000 euros en cheques de compra de alimentos
Por Redacción |
-
Uvas anticipadas e unha gran festa de Noitevella en Ponte Caldelas
Por Redacción |
-
Ponte Caldelas acende a iluminación do Nadal
Por Oskar Viéitez |