Marín retira 472 pombas e 173 niños de gaivota
Por Redacción
A campaña iniciada polo Concello de Marín para controlar a poboación de aves, principalmente pombas e gaivotas, segue dando os seus froitos. Segundo informa o goberno municipal no último ano 2017, a presenza de ambas as especies foise reducindo de forma paulatina, na busca dun censo "asumible".
Así, ao longo deste ano retiráronse un total de 472 exemplares de pomba. Os traballos centráronse na rúa Concepción Arenal e, recentemente, en dúas zonas sobre as que aínda non se actuou, a rúa do Forno e O Seixo, que se estaban vendo afectadas pola presenza masiva destas aves.
O servizo de control poboacional da gaivota patiamarela, ademais, pechou o ano coa revisión de 336 tellados, dos cales se retiraron 173 niños. Son, en total, 242 ovos e 78 pitos retirados.
Neste traballo, destacan desde o Concello, tivo unha gran incidencia a colaboración dos cidadáns, que permitiu aumentar a localización destes niños.
Ademais do servizo para ambas as especies, o concello tomou unha serie de medidas para facilitar a redución destas dúas especies como a retirada de lixo do exterior do mercado ou a información a propietarios de edificios en mal estado con pombais incontrolados para que tomen as medidas oportunas.
Relacionadas:
-
As campañas de control permitiron reducir de 2.000 a 350 a poboación de pombas en Marín en catro anos
Por Redacción |
-
Marín instala unha gaiola na azotea do mercado para atrapar pombas e gaivotas
Por Redacción |
-
As campañas de control de gaivotas e pombas de Marín reduciron a poboación en 1.500 aves en tres anos
Por Redacción |
-
Retiran preto dun cento de niños de gaivotas en tellados de Marín
Por Redacción |
-
Medio milleiro de pombas menos en Marín tras as campañas de control
Por Redacción |
-
Alertan da proliferación de visón americano na Illa de Tambo
Por Redacción |