Pontevedra protesta polos "abusivos" peaxes da AP-9
Por Alejandro Espiño
O goberno municipal de Pontevedra aprobou este martes unha resolución oficial na que rexeita as "abusivas" peaxes que a empresa Audasa cobra aos condutores galegos por circular pola autoestrada AP-9, a principal arteria de comunicación de Galicia.
Este cobro, segundo explicou a portavoz do goberno, Anabel Gulías, é un dos máis caros de todo o Estado español. Lembrou que, desde que Audasa asinou o novo convenio con Fomento, as peaxes creceron un 36%, catro veces máis que o IPC para este mesmo período, que aumentou un 9%.
A esta subida hai que engadir, lembrou, o aumento que está previsto para 2018 e que situará as peaxes na AP-9 un 3,81% máis caro.
Así, circular entre Pontevedra e Vigo custará 3,73 euros e facelo entre Pontevedra e Santiago subirá ata os 5,55 euros. Cruzar toda a autoestrada AP-9 entre A Coruña e Tui alcanzará os 22,98 euros.
A "única beneficiada" con estas subidas é, segundo Gulías, a propia empresa concesionaria e os grandes prexudicados son todos os galegos que usan regularmente esta vía de comunicación.
Pontevedra entende que a situación actual, sen bonificacións de ningún tipo, lastra o crecemento económico de Galicia e coloca en situación "cada vez máis complicada" a un sector crave no PIB galego como o da loxística e o transporte.
Relacionadas:
-
Os afectados pola peaxe da AP-9 durante as obras de Rande, en contra de que o Estado estea persoado na causa
Por Natalia Puga |
-
O BNG, indignado pola sanción a nove militantes nunha protesta na inauguración da reforma de Rande
Por Alejandra Iannone |
-
O PP espera un apoio unánime do resto de partidos á súa proposta sobre a AP-9
Por Oskar Viéitez |
-
Marea Pontevedra súmase ao clamor contra "o calote das peaxes"
Por Oskar Viéitez |
-
Gas, carburantes e peaxes lideran as subas de prezos en 2018... e falta a luz
Por Redacción |
-
Cargos do BNG, con Ana Pontón á fronte, únense en Pontevedra contra o "saqueo" da AP-9
Por Alejandro Espiño |
-
O BNG convoca en Pontevedra unha asemblea aberta de cargos públicos contra "a estafa das peaxes"
Por Redacción |