Nace Prosagap, a unión sindical de Prosagal e Sagap, coa intención de loitar polo persoal sanitario
Por Mónica Patxot & Anxo Lourido
As asembleas de afiliadas aos sindicatos Sagap e Prosagal decidían o 13 deste mes que ambas as centrais se unificaran para converterse en Prosagap, o sindicato dos Profesionais da Sanidade Pública Galega.
Este mércores 20 presentábanse en Pontevedra coa presidenta inicial, Marisa Velicia (presidenta de Sagap) e a vicepresidenta, Carolina Iñárrea (presidenta de Prosagal). O obxectivo deste sindicato é defender os dereitos do persoal sanitario que, segundo denuncian, atópase moi afectado pola política de "acoso e derriba" por parte dos gobernos central e da Xunta de Galicia.
Tamén queren ser unha alternativa aos sindicatos tradicionais aos que acusan de burocratizarse e a nova formación pretende exercer un sindicalismo eficaz, participativo, unitario e democrático.
Marisa Velicia afirma que actualmente en Galicia suman máis de mil afiliados e o obxectivo que se expoñen é obter representación na mesa sectorial a partir das novas eleccións de representantes sindicais nos centros sanitarios públicos previstas para o ano 2019.
Teñen previsto constituírse legalmente ao longo das vindeiras semanas e percorrer toda a comunidade para presentar o seu proxecto centrado na defensa do sistema público de saúde.
Afirman que manterán un sistema asembleario, tal e como viñan desenvolvendo ata agora nas dúas organizacións e non dubidan en que seguirán acudindo aos tribunais de xustiza presentando demandas contra o Sergas polas irregularidades que, afirman, comete á hora de concesión de días libres e a vulneración de diversos dereitos laborais. Ademais, criticaron a situación "caótica" que se vive en Urxencias de Montecelo.
Relacionadas:
-
Prosagap critica que o Hospital Montecelo manteña pechadas camas en Traumatoloxía
Por Oskar Viéitez |
-
Prosagal denunciará a toma de posesión de Sartier como presidente da Xunta de Persoal dos hospitais de Pontevedra
Por Redacción |
-
Piden medidas inmediatas ante a "masificación" do servizo de Urxencias de Montecelo
Por Redacción |
-
Persoal de enfermaría do Hospital Montecelo felicita as festas
Por Redacción |
-
Recriminan ao Sergas a falta de previsión para evitar os colapsos en Montecelo
Por Anxo Lourido |
-
A xerencia da área sanitaria comunica a Prosagal que reabrirá as camas hospitalarias pechadas no verán
Por Redacción |
-
Prosagal pide o apoio dos partidos políticos ante a saturación dos centros hospitalarios
Por Redacción |
-
Carolina Iñarrea cesa como presidenta da xunta de persoal dos hospitais de Pontevedra: "Es un golpe de estado sindical"
Por Anxo Lourido |