Este ano os emprendedores de AJE Pontevedra puxeron aos políticos "pisando barro" para que coñezan o día a día dos empresarios.

Despois de vestir de superheroes aos nosos representantes públicos no calendario solidario do 2017 para o próximo ano a Asociación de Jóvenes Empresarios púxoos na pel dun dos seus.

Podemos ver ao alcalde de Pontevedra, Miguel Anxo Fernández Lores, de perruqueiro, á presidenta da Deputación, Carmela Silva, de profesora; ao alcalde de Poio, Luciano Sobral, de xastre ou o vicepresidente da Xunta, Alfonso Rueda, de arquitecto. Así unha longa de lista de participantes.

A Deputación colaborou cunha primeira edición de 750 exemplares que venderán ao prezo de 5 euros cada un. A recadación entregarase ao comedor social de San Francisco.

O presidente de AJE Pontevedra, Pablo Fernández, desexa que se esgote o calendario e teñan que imprimir novas edicións.

Pantalla completa