O aramado da batería militar de San Vicente xa é historia
Por Redacción
Defensa deu por finalizadas as obras de instalación do novo valo cinexético que permitirá a ampliación da senda peonil de Pedras Negras, que percorre gran parte do litoral de San Vicente do Mar (O Grove).
A reparación do cercado perimetral no recinto militar de Porto Cuaces supuxo a desafectación e o deslinde de aproximadamente 11.200 metros cadrados do terreo necesario para a construción da pasarela.
As obras, que foron realizadas pola empresa CYS San Blas, consistiron na roza e retirada do antigo aramado militar e na construción dun novo valado cinexético.
Estes traballos permiten a ampliación do paseo peonil de Pedras Negras e a conexión do mesmo cara á punta de Con Negro.