Marea confirma que se absterá no pleno de orzamentos
Por Redacción
Un orzamento mellorado e cun novo xiro social. Así é, segundo Marea Pontevedra, a achega desta formación política ás contas municipais de 2018 que se aprobarán este venres no pleno da corporación. Iso si, non o suficiente como para votar a favor.
A asemblea de Marea decidiu que os seus dous concelleiros absteranse, ao entender que é un orzamento en solitario dun goberno municipal en minoría que continua sen crer na xestión directa dos servizos públicos e que conta cun gasto social mínimo.
As emendas de Marea permitiron, segundo destaca a asemblea, aprobar un plan de emprego xuvenil, valorado en 813.000 euros; unha renda social de 425.000 euros para persoas en situación de emerxencia ou destinar 46.800 euros a fomentar a economía social no concello.
Ademais, outros 150.000 euros irán para o transporte metropolitano e 11.000 euros para a creación dun servizo de recollida e dun protocolo de atención de animais abandonados, extraviados ou sen dono coñecido.
PROCESO PARA AS MUNICIPAIS
A asemblea de Marea Pontevedra tamén aprobou poñer en marcha o proceso de elección democrático e participado da súa candidatura municipal. Volverán a apostar polas primarias abertas como fórmula para elixir a súa candidatura para as municipais do 2019.
O proceso terá dúas fases. Unha primeira, que se celebrará o primeiro trimestre de 2018, elexirá á persoa que encabece a lista. A segunda, no cuarto trimestre de 2018, escollerá ao resto da candidatura.
Con esta decisión Marea Pontevedra terá un rostro definido un ano antes das municipais nas que se marca como obxectivo ser "a forza de goberno de progreso que precisa Pontevedra", destacan.
Relacionadas:
-
A renda social municipal poderá cobrarse como máximo durante un ano
Por Alejandro Espiño |
-
Marea Pontevedra ameaza con pedir a reprobación de Anxos Riveiro
Por Redacción |
-
O Concello analizará "o que necesita a cidade" para elixir os cursos de formación do plan de emprego
Por Alejandro Espiño |
-
Marea elixirá o 9 de febreiro o seu candidato para as municipais de 2019
Por Redacción |
-
Pontevedra aproba sen sobresaltos un orzamento de 75 millóns para 2018
Por Alejandro Espiño & Mónica Patxot |
-
BNG, PSOE e Marea tumban a emenda do PP ao orzamento
Por Alejandro Espiño |
-
O PP critica a "deriva antisistema" do alcalde Fernández Lores
Por Oskar Viéitez |
-
O orzamento municipal de 2018 péchase en 75 millóns
Por Alejandro Espiño |