A Consellería do Mar, pendente da posible chegada de cinza á desembocadura do río Verdugo
Por Redacción
A Concellería do Mar da Xunta de Galicia activou un dispositivo de vixilancia e avaliación das zonas que poden verse afectadas pola chegada de cinzas ou corremento de terras derivados das intensas choivas do domingo.
Ante o temor de que os bancos marisqueiros próximos a zonas queimadas nos recentes incendios se vexan afectados, intensificouse a vixilancia nos lugares máis sensibles, como é o caso da desembocadura do río Verdugo, en Ponte Sampaio.
Ademais do persoal de Desenvolvemento Pesqueiro, o Servizo de Gardacostas revisou zonas de Arcade-Ponte Sampaio e Baiona onde se aprecia a presenza de ramas e auga turbia.
A alerta tamén afecta o municipio da Guarda ou a desembocadura do río Miñor, en Nigrán.
No caso en que se produzan danos nos bancos marisqueiros a Consellería do Mar sinalou que conta cunha partida orzamentaria dun millón de euros para facer fronte a esta situación e tentar minimizar os seus efectos.
Relacionadas:
-
Un día para asegurar o que puxo en perigo a borrasca Ana
Por Natalia Puga & Mónica Patxot |
-
O día despois da borrasca Ana: "Llevo sobre 50 años aquí y nunca vimos una inundación tan rápida"
Por Natalia Puga & Mónica Patxot | Creada e actualizada
-
VÍDEO.- Desbordamento do río Verdugo en Ponte Caldelas e na Lama
Por Redacción |
-
VÍDEO.- O temporal provoca danos e asolagamentos en diferentes puntos de Pontevedra
Por Diego Torrado | Creada e actualizada