O Concello de Marín recibe un premio por difundir a imaxe da Armada
Por Redacción
Marín contará nos Premios Armada 2017 cunha "Mención Especial á difusión da imaxe da Armada". Será nun acto que se celebrará este mércores 13 en Madrid no Cuartel Xeral da Armada.
A alcaldesa María Ramallo asistirá para recibir esta distinción que se debe á especial colaboración que o Concello ofreceu durante os actos de celebración do 300 aniversario da Compañía de Gardamariñas. Segundo se indica desde a organización esta colaboración uniu máis a ambas as institucións e fortalece a proxección a nivel nacional e internacional de Marín.
A Escola Naval de Marín acolle a única academia da Armada e o centro universitario constitúe un campus que ofrece formación a numerosos estudantes que inician e finalizan as súas carreiras como oficiais da Armada, permanecendo durante cinco anos na vila marinense para recibir tanto formación universitaria como militar.
A recollida do premio obriga a pospoñer o pleno ordinario previsto para ese día. Por acordo de todos os grupos da corporación trasladarase ao xoves.
Relacionadas:
-
En Marea pide a Defensa o uso civil das instalacións deportivas e sanitarias da Escola Naval
Por Oskar Viéitez |
-
Marín recibe a distinción de Defensa pola súa "longa e fructífera" relación coa Armada
Por Redacción |
-
A Escola Naval, protagonista do pregón das Festas do Carme de Marín
Por Redacción |
-
Un selo para homenaxear os gardamariñas
Por Redacción |
-
O Elcano sempre é benvido en Marín
Por Redacción & Diego Torrado |