Salvamento Marítimo rescata dous surfistas arrastrados pola corrente na Lanzada
Por Diego Espiño
A pesar das boas condicións climatolóxicas en terra, a situación de axitación do mar estivo a punto de custar un bo desgusto na Lanzada, onde dous surfistas tiveron que ser rescatados despois de ser arrastrados pola corrente.
A incidencia, que tivo lugar na zona oeste do areal a última hora da mañá deste domingo, obrigou a mobilizar a Salvamento Marítimo, Garda Civil e Emerxencias de Sanxenxo.
Despois duns momentos de inquietude, o helicóptero Pesca 1 rescatou os surfistas trasladándoos a terra en perfecto estado.
As condicións do mar empeorarán aínda máis nas próximas horas, chegando a advertir a Xunta da chegada dun fenómeno adverso de nivel laranxa na costa a partir das 20:00 horas.