As Rías Baixas esperan unha ocupación turística do 64% esta ponte
Por Redacción
A ponte festiva da Constitución e a Inmaculada desta semana suporá unha ocupación turística moi positiva nas Rías Baixas. Estas son as previsións realizadas polo organismo turístico da Deputación de Pontevedra, que estima unha ocupación media do 64% nos aloxamentos da provincia.
As estimacións medias provinciais de Turismo Rías Baixas supoñen ata 24 puntos por riba do estimado na mesma ponte de 2016, cando se agardaba un 40% de ocupación. 7
De confirmarse estes resultados, permitirían pechar 2017 como o mellor ano turístico da última década. O pasado verán xa foi, cunha ocupación do 83%, "o mellor desde que temos rexistros", cinco puntos superior a 2016.
A ocupación máis alta espérase na comarca de Caldas, cun 98% de ocupación hoteleira, seguida de O Condado e A Paradanta (85%) e O Salnés (81%). Para a comarca de Pontevedra, prevese unha ocupación do 70% e para O Morrazo e Vigo máis do 52%.
A ocupación agárdase máis baixa nos establecementos de turismo rural, cunha estimación media para a provincia superior ao 32%. En todo caso, sería case 20 puntos superior á agardada para a mesma ponte do ano 2016.
Relacionadas:
-
As Rías Baixas rexistraron unha ocupación media do 50% durante a ponte da Constitución
Por Oskar Viéitez |
-
Os Rías Baixas Fests reuniron este verán a 260.000 persoas en Pontevedra
Por Redacción |
-
O plan estratéxico de Turismo estará aprobado en decembro para potenciar o sector
Por Redacción |
-
O turismo deixa os mellores datos históricos no mes de agosto nas Rías Baixas
Por Oskar Viéitez |