Alertan da presenza de medusas nas praias de Montalvo e Major
Por Diego Espiño
Nos últimos días varias zonas do Barbanza e O Morrazo xa alertaran da presenza de medusas na zona, e agora tócalle a quenda á Ría de Pontevedra, concretamente a Sanxenxo.
A pesar de que non adoita ser habitual a estas alturas do ano debido ás baixas temperaturas da auga, confirmouse a presenza de carabelas portuguesas, unha especie catalogada de perigosa, nas praias de Montalvo e Major.
A picadura deste tipo de medusa provoca unha forte dor e podería derivar nunha complicación alérxica. Por ese motivo e ante a chegada do bo tempo que pode provocar unha maior afluencia nas praias, dende Emerxencias de Sanxenxo recomendaron non se achegar nin tocar aos exemplares que se poidan atopar nos areais, xa que o seu veleno pode permanecer activo ata 24 horas despois de morta.
Aviso Importante: Se está produciendo llegada masiva de medusas Carabela Portuguesa a los arenales. Son muy venenosas, evitar el contacto.
Emerxencias Sanxenxo (@SLXE_Sanxenxo) 13 de abril de 2013