Rechamante operación de rescate dunha anciá na rúa Michelena
Por Diego Espiño
Bombeiros de Pontevedra, Policía Local e 061 protagonizaron un rechamante despregamento este mediodía para rescatar unha anciá de 84 anos que caera no interior da súa vivenda, situada na céntrica rúa Michelena.
A operación xerou grande expectación despois de que a filla de S.D.P.F, residente na Coruña, alertase os servizos de emerxencia ao non poder contactar con ela, que vive soa.
Os bombeiros accederon ao interior da vivenda, 5ºA, pola ventá, encontrándose a anciá no chan. Tras asegurarse de que o seu estado non era grave o 061 procedeu ao seu traslado ao Hospital de Montecelo para realizarlle probas con especial atención a súa cadeira, onde conta cunha prótese.