Doce anos percorrendo o planeta para chamar a atención
Por Oskar Viéitez
"Sen ningún motivo decidín saír a correr un pouco e sen ningún motivo seguín correndo. Non podían crer que alguén puidese correr tanto sen ningún motivo especial", dicía Forrest Gump. O soado personaxe cinematográfico interpretado por Tom Hanks estivo a correr durante 3 anos, 2 meses, 14 días e 16 horas.
O bombeiro británico Martin Hutchinson leva 12 anos percorrendo o planeta aínda que el si que ten un motivo: chamar a atención sobre o cambio climático e a necesidade de coidar o medio ambiente.
Martin Hutchinson está estes días na provincia de Pontevedra. O coñecido como "camiñante verde", pasou pola cidade do Lérez e por Sanxenxo onde se parou cos traballadores do servizo de emerxencias.
Neste periplo en bicicleta Martin non está só xa que vaa acompañado dun can que atopou abandonado na localidade lusa de Portimao e decidiu adoptalo. O can chámase Starsky (a el chámanlle Hutch).
Hutchinson publicou miles de denuncias ambientais na súa canle de Youtube e o seu perfil de Facebook, os últimos teñen á cidade do Lérez como protagonista