A imaxe de Cotobade está nas túas mans
Por Diego Espiño
"A pegada do tempo". Con ese título, e no marco da creación dun punto de información virtual de Cotobade, xorde no concello pontevedrés unha iniciativa para que os veciños poidan plasmar a súa visión sobre o seu contorno.
A partir do próximo día 16 de abril poñerase en marcha, con seis sesións en total, un curso de videocreación que intentará poñer en valor o patrimonio natural e histórico do concello.
Para participar no proxecto, dirixido por Videodinamizarte, só se necesitan segundo os organizadores, "ás túas ganas e un ordenador portátil, o resto poñémolo nós".
Con reflexións baseadas en como se reflicte o paso do tempo ou que cousas poderían interesar a unha persoa que visite Cotobade, cada participante realizará unha peza audiovisual pasando por todas as fases de creación: idea, rodaxe e edición.
Os interesados poden anotarse ou pedir máis información no correo electrónico info@videodinamizarte.com.