Ence asegura que reduciu o consumo de auga por debaixo do nível marcado pola Xunta
Por Redacción
Augas de Galicia reclamou á dirección de Ence-Pontevedra que reducira a captación de auga do río Lérez ante a situación de seca que se está sufrindo nas Rías Baixas e, en concreto, no municipio da capital. Segundo manifesta a dirección, as medidas de aforro introducidas permitiron rebaixar a captación por baixo dese nivel establecido pola Administración Hidráulica de Galicia, dependente da Xunta.
A empresa pasteira afirma que realizou novos axustes nos seus procesos de produción que se engaden a outras medidas de aforro que a fábrica leva acometendo desde agosto para reducir os efectos da seca.
Ence-Pontevedra indica que nos últimos 30 anos rebaixou o consumo de auga na produción de celulosa nun 79% e en preto dun 50% ao longo dos últimos 25 anos. Esta diminución do uso da auga débese, sempre segundo a empresa, á implantación de mellores prácticas e tecnoloxías, "logrando aforros moi superiores a calquera outra entidade ou institución pública".
A empresa quere limitar o seu consumo de auga cunha redución de ata o 90% pero insiste en que para poder levar a cabo este proceso necesita unha nova depuradora. Desde a entidade cúlpase ao Concello de Pontevedra de opoñerse á modernización das instalacións de Lourizán e á mellora dos parámetros ambientais.
Relacionadas:
-
A Xunta confirma que reduciu o caudal da concesión de auga da fábrica de Ence en Lourizán a un 60%
Por Anxo Lourido & Mónica Patxot & Cristina Saiz |
-
Pontevedra aplica as primeiras medidas efectivas ante a alerta por seca
Por Natalia Puga |
-
Ence reducirá o seu consumo de auga ás limitacións marcadas por Augas de Galicia
Por Redacción |
-
Augas de Galicia pregunta aos concellos canto poden reducir o seu consumo de auga
Por Oskar Viéitez & Mónica Patxot |
-
Augas de Galicia obrigará a Ence a consumir a metade de auga pola seca
Por Redacción |