Cerdedo-Cotobade ofrece a súa "colaboración absoluta" aos afectados polos incendios
Por Redacción
O Concello de Cerdedo-Cotobade poñerá a disposición dos veciños e das comunidades de montes afectadas polos incendios do pasado mes de outubro todos os servizos municipais, para que reciban asesoramento ou axuda na tramitación das solicitudes. Así, Jorge Cubela brindoulles a "colaboración absoluta" de todo o goberno municipal.
Foi nunha xuntanza, de máis de dúas horas, con colectivos de Augasantas, Rebordelo, Loureiro, Tenorio e Borela e con seis donos de explotacións que sufriron a vaga de lumes.
Acompañado do xefe provincial de Medio Rural, Antonio Crespo, e a xefa do servizo de Montes, Amalia Pazos, Cubela abordou con eles a situación no municipio e informoulles sobre as axudas convocadas recentemente pola Xunta de Galicia.
O encontro serviu para que os representantes autonómicos explicaran en profundidade a orde de axudas e as distintas posibilidades de indemnización que ofrece e tamén para que coñeceran de primeira man os danos exactos causados polos lumes no municipio.
O presidente municipal amosou a súa satisfacción polo resultado da xuntanza, xa que destacou a "sensibilidade" dos representantes da Xunta para estar do lado dos veciños e aportarlles información e tamén resaltou o "optimismo" co que os afectados saíron do encontro ao percibir que existen bastantes posibilidades de contar con axudas que permitan manter a súa actividade ou a recuperación dos seus terreos, no caso das comunidades.
Relacionadas:
-
Ponte Caldelas, molesto coas axudas da Xunta polos danos dos incendios
Por Redacción | Creada e actualizada
-
Cerdedo-Cotobade pide a Medio Rural habilitar un cordón de seguridade fronte aos incendios
Por Redacción |
-
Novo punto de auga de helicóptero en Tenorio para facer fronte aos lumes forestais
Por Redacción |
-
Os alcaldes e voceiros do PP reclaman á Deputación unha "liña de axudas específica" para os concellos afectados polo lume
Por Mónica Patxot & Oskar Viéitez |
-
O día despois en Ponte Caldelas e Cerdedo-Cotobade: "Isto é un desastre. Terrible"
Por Alejandro Espiño |
-
Tenorio, de novo vítima dos incendios
Por Redacción & Diego Torrado | Creada e actualizada