COVSA construirá o campo de fútbol de Gatomorto
Por Alejandro Espiño
Antes de que termine o ano, se non hai ningún impedimento, comezarán as obras de construción do campo de fútbol de Gatomorto, en Santa María de Xeve. Será a empresa COVSA a que execute este proxecto, cuxo custo ascende a 859.953 euros.
O prazo de execución é de seis meses, polo que o Concello garante que o campo poderá ser utilizado en todo caso para a próxima tempada deportiva 2018-2019.
Xunto coa oferta económica, a empresa ofreceu ampliar a cinco anos o mantemento das instalacións, a dotación de campos de fútbol 7, un peche perimetral do campo e diferentes melloras na urbanización de todo este ámbito. Estas melloras están valoradas nuns 110.000 euros a maiores.
Para a construción do campo, lembrou o portavoz do goberno municipal, Raimundo González, aproveitaranse as escavacións e os vestiarios que se fixeron no seu día para un campo que, posteriormente, quedou aparcado.
O terreo de xogo permitirá xogar a fútbol 11 ou dividilo en dous para fútbol 7. Terá catro vestiarios para os equipos e dous para os árbitros, o que permitirá un uso intensivo das instalacións.
O de Gatomorto será o segundo que se execute en Pontevedra este ano, tras o inicio das obras en Chan do Monte (Cerponzóns). Ademais, en diferentes estados de tramitación atópanse os campos de Campañó, Ponte Sampaio e Salcedo.
OUTROS ASUNTOS
A Xunta de Goberno, entre outros asuntos, tamén aprobou sacar a contratación a mellora de accesibilidade do camiño escolar do colexio Barcelos, por 85.279 euros. Adaptaranse todos os pasos de peóns na contorna do centro educativo. As obras executaranse en mes e medio.
Tamén se aprobou un contrato de patrocinio con Vaca Films, a produtora da película La sombra de la ley, rodada de forma parcial en Pontevedra durante o pasado verán. O filme, dirixido por Dani de la Torre, recibirá 42.000 euros.
Relacionadas:
-
O Concello recibe esta semana o campo de herba sintética de Santa María de Xeve que xa está rematado
Por Redacción |
-
O novo campo de fútbol de Gatomorto empeza a tomar forma
Por Redacción |
-
O campo de fútbol de Cerponzóns estará listo en abril
Por Noelia Torres Pintos |
-
Os comuneiros de Campañó ceden terreos ao Concello para un novo campo de fútbol
Por Alejandro Espiño |
-
Sacan a licitación a construción do novo campo de futbol de Xeve
Por Redacción |
-
Lores e Carmela Silva asinan o convenio para os campos de fútbol en Xeve e Cerponzóns
Por Alejandro Espiño & Mónica Patxot |
-
Ultiman os proxectos dos campos de fútbol de Cerponzóns e Santa María de Xeve
Por Alejandro Espiño |
-
O novo campo de fútbol de Xeve, pensado para ter un "uso continuo"
Por Diego Espiño |