O PP pide ao goberno local que atenda as queixas dos veciños de Monte Porreiro sobre os composteiros
Por Redacción
O Partido Popular local reclama ao goberno local do BNG que sente a falar cos veciños de Monte Porreiro para que teñan información antes de que continúe a instalación de 25 composteiros na urbanización.
"Non é de recibo que os veciños de Monte Porreiro non estivesen informados sobre os pasos que se ían a dar coa compostaxe no barrio", lamenta o portavoz local do PP, Jacobo Moreira, que entende as queixas veciñais ante a instalación dun composteiro nas inmediacións do parque infantil da praza de Europa.
Para os populares esta situación débese á improvisación absoluta que o goberno de Fernández Lores está a exercer en materia de implantación do modelo de compostaxe no municipio.
Neste sentido sinala que no barrio de Campolongo aínda se descoñece onde se van a instalar os depósitos para botar a materia orgánica que están previstos para esta contorna.
Relacionadas:
-
Paralizan o despregue da compostaxe en Monte Porreiro ante a división veciñal
Por Alejandro Espiño |
-
Veciños de Monte Porreiro piden no pleno que se cambie a situación dos composteiros
Por Alejandro Espiño |
-
VÍDEO.- Veciños de Monte Porreiro protestan contra a instalación de composteiros preto dun parque infantil
Por Mónica Patxot & Anxo Lourido | Creada e actualizada