Pontevedra recolle en Corea o primeiro premio das Cittaslow
Por Redacción
Pontevedra recibiu este xoves o premio Cittaslow, na cidade coreana de Jeonju, polas súas boas prácticas en mobilidade.
Neste foro, o alcalde de Pontevedra Miguel Anxo Fernández Lores recibiu o galardón das mans do alcalde de Jeonju e agradeceu que se teñan acordado da cidade do Lérez para recibir este primeiro galardón que entrega esta entidade internacional e animou aos presentes a seguir traballando para devolver ás cidades aos seus veciños.
A entrega fíxose no marco da celebración do Jeonju World Slowness Forum & Awards 2017 que leva por titulo "O mundo pregunta, Jeonju resposta" que se celebrou na cidade coreana, onde se atopa o alcalde de Pontevedra acompañado do intendente principal da Policía Local, Daniel Macenlle, dende o mércores.
No acto de entrega, celebrado na antiga escola confuciana Jeonju Hyanggyo, o alcalde de Jeonju volveu a mencionar a Pontevedra como a cidade do século XXI e recibiu os parabéns do fundador da corrente Cittaslow, o italiano Paolo Saturnini.
Xunto a Pontevedra, tamén foi galardoada as vilas de Katoomba (Australia) e Asolo (Italia) polas súas prácticas sectoriais.
Pola tarde, Fernández Lores ofreceu unha conferencia sobre o modelo de cidade facendo unha presentación previa cun vídeo e unha posterior explicación. Logo da súa exposición, a delegación galega recibiu os parabéns dos asistentes pola aposta decidida dos pontevedreses por recuperar a súa cidade.
Relacionadas:
-
O alcalde de Elche recibe a Lores e xuntos analizan como recuperar espazos urbanos para as persoas
Por Redacción |
-
"Pontevedra hizo historia en la movilidad urbana", di un alto cargo do Concello de Madrid
Por Oskar Viéitez |
-
Pontevedra agarda atraer turistas coreanos
Por Alejandro Espiño |
-
Pontevedra e Jeonju declaran, vía convenio, ser "cidades amigas"
Por Redacción |
-
Corea recibe a Pontevedra con honras: "Queremos parecernos", di o alcalde de Jeonju
Por Redacción |
-
Pontevedra xa está en Corea do Sur para recoller un novo premio á cidade
Por Redacción |