Ponte Caldelas pide doazóns de forraxe para poder alimentar ao gando tras os incendios
Por Redacción
O Concello de Ponte Caldelas solicitou a colaboración de empresas e particulares para atopar alimento co que manter o gando nas zonas afectadas polos incendios.
En concreto o goberno local pide a doazón de forraxe ou herba seca ao comprobar que se trata dunha das necesidades máis urxentes.
O lume botou a perder a práctica totalidade das reservas de forraxe nas zonas afectadas, xa que se viu afectado a contorna de 25 dos 33 núcleos que compoñen o municipio.
Por ese motivo o alcalde, Andrés Díaz, instou a entidades e persoas que queiran colaborar a que se poñan en contacto co Concello, coa intención de organizar unha recollida conxunta seguida dunha repartición inmediata aos afectados, xa que non se dispón de ningún lugar para poder almacenar o alimento dos animais e mantelo seco.
Díaz estima que máis dunha vintena de explotacións gandeiras, domésticas ou dun uso máis extensivo, víronse afectadas por esta situación de emerxencia.
Neste sentido, xa se notificou unha importante doazón de 4.000 quilos de forraxe por parte da empresa Forrajes Salnés.
Relacionadas:
-
A “operación mulching” chega a Ponte Caldelas con 30 toneladas de palla
Por Redacción |
-
Ponte Caldelas, implicada ao máximo na axuda aos afectados polos incendios
Por Redacción |
-
Ponte Caldelas coordinará con Cáritas a conta solidaria para os afectados polos incendios
Por Redacción |
-
Ponte Caldelas consumiu 100.000 litros de auga para loitar contra os lumes
Por Redacción |
-
Desbordados de solidariedade: "Está a axudarnos toda a xente que nos coñece, e moita que nin nos coñece"
Por Natalia Puga |
-
2.900 hectáreas calcinadas en Ponte Caldelas, 1.500 en Caldas e 500 en Cotobade
Por Oskar Viéitez | Creada e actualizada