O PP denuncia "falta de rumbo" na implantación da compostaxe
Por Redacción
O grupo municipal do PP en Pontevedra cualificou este sábado o que entende como "falta de rumbo" do goberno local na implantación da compostaxe.
Segundo denuncia o concelleiro popular César Abal, "a descoordinación do goberno do BNG propiciou un atraso de máis de sete meses sobre o prazo previsto" despois de que no pasado mes de marzo finalizase o concurso para a subministración das unidades modulares.
"Esqueceron que para a súa instalación era preciso unha obra civil previa", acusa Abal, sinalando que desde entón esas unidades modulares quedaron almacenadas á espera de atopar unha solución.
Ante esta situación o PP esixiu "seriedade" e unha explicación ao goberno local, xa que se trata dunha iniciativa que "pagarán todos os veciños de Pontevedra", defendeu.
Relacionadas:
-
O PP critica que os cartos investidos na compostaxe non reducen os residuos enviados a Sogama
Por Redacción |
-
25 centros comunitarios de compostaxe darán servizo a 4.600 veciños de Monte Porreiro
Por Alejandro Espiño |
-
Carme da Silva responde ao PP que o plan de compostaxe está en marcha
Por Redacción |
-
O PP pregunta polo plan de composteiros comunitarios ao levar medio ano parado
Por Redacción |