Os populares consideran un "parche" a modificación da normativa de terrazas
Por Redacción
A modificación que propón o goberno municipal na normativa que regula as terrazas é, segundo o Partido Popular, un "parche" que non resolve todos os problemas que se rexistran na cidade nin aporta unha solución "definitiva".
A pesar de non ter recibido o borrador completo desta modificación, os populares continúan tendendo a man ao goberno local para poder elaborar unha ordenanza "máis ambiciosa e que regule todos as cuestións que se atopan actualmente no aire", segundo César Abal.
Así, engadiron varias suxestións á proposta do Concello.
Entre elas, solicitan que se substitúa a fiscalidade única por unha fiscalidade progresiva, xa que un local que conta tan só cunha mesa e dúas cadeiras "non debería pagar o mesmo" que outro que instale a mesma mesa con catro cadeiras, entenden desde o PP.
Ademais, a formación que encabeza Jacobo Moreira considera fundamental que se teñan en conta os criterios de diversidade de espazos considerando as características propias de cada zona, "xa que non se pode considerar do mesmo xeito a un velador instalado nunha rúa do centro, que outro situado nas zonas periféricas á hora de tributar".
"Os tempos mudaron e Pontevedra non pode seguir contando con normativas do século pasado", manifestou Abal.
Relacionadas:
-
Os hostaleiros terán unha moratoria de seis meses para adaptarse á nova normativa
Por Alejandro Espiño |
-
Adeus aos peches das terrazas dos bares
Por Alejandro Espiño |
-
Os bares poderán instalar as súas terrazas a partir das nove da mañá
Por Alejandro Espiño |
-
O Carabela perde o monopolio da terraza na Praza da Estrela
Por Oskar Viéitez |
-
As federacións de veciños piden que a ordenanza de terrazas garanta o descanso dos cidadáns
Por Redacción |