Os terreos para o paseo a Marín xa están nas mans de Costas
Por Redacción
Costas xa pode iniciar a licitación do proxecto de construción do paseo peonil e ciclista que unirá a avenida de Marín coa pasarela de mariscadores nos Praceres pola beira do Lérez e a desembocadura da ría.
O Concello celebrou este mércores unha Xunta de Goberno extraordinaria para poñer a disposición do Ministerio de Agricultura e Pesca, Alimentación e Medio Ambiente, a través do Servizo Provincial de Costas, o tramo da PO-12 que o Concello acaba de recibir de Fomento.
Este trámite, segundo destacou César Mosquera, permitirá "salvar os obstáculos" que había para poder reducir un carril de circulación na estrada e habilitar o paseo peonil.
"Agardemos que Costas se dea a máxima axilidade", sinalou o edil de Infraestruturas, que considera que o "lóxico" sería que o Goberno central licitara toda a obra no seu conxunto e non só o primeiro treito pola PO-12, ata a ligazón coa PO-11, senón ata Praceres.
Mosquera amosouse confiado en que se resolvan as alegacións "canto antes" e que saia pronto a licitación "porque o proxecto xa está redactado".
Relacionadas:
-
Desbloquean o paseo peonil a Os Praceres: sae a licitación por dous millóns de euros
Por Redacción | Creada e actualizada
-
Pedaladas quere que Ence abra unha vía de servizo para acceso de camións na PO-11 entre Marín e Pontevedra
Por Mónica Patxot & Anxo Lourido |
-
O paseo peonil entre Pontevedra e Marín, máis preto
Por Redacción |
-
Pontevedra pide a transferencia da PO-12 para salvar as trabas de Fomento ao paseo a Marín
Por Alejandro Espiño |
-
Costas unirá Pontevedra e Os Praceres no primeiro treito do paseo peonil a Marín
Por Alejandro Espiño |