Expertos mundiais tratan en Campo Lameiro o turismo arqueolóxico
Por Redacción
O Parque Arqueolóxico da Arte Rupestre de Campo Lameiro acolle o 7 de outubro a primeira "Xornada profesional de Turismo Arqueolóxico" financiada pola Mancomunidade de Terras de Pontevedra.
O curso contará con algúns dos máximos expertos en turismo arqueolóxico a nivel mundial como Jordi Juan Treserras (director de Ibertur e do LABPATC da Universitat de Barcelona), Ramón Montes Barquín (xerente do Itinerario Cultural Europeo Camiños de Arte Rupestre), Felipe Criado Boado (profesor de investigación do CSIC e director do INCIPIT) e Pilar Fatás (directora del Museo Nacional y Centro de Investigación de Altamira).
Os contidos do curso estrutúranse arredor do coñecemento do estado actual dos principais proxectos arqueolóxicos de Galicia, dende a perspectiva de profesionais da administración e da empresa privada, valorando tanto o seu proceso dentro de socialización do patrimonio, coma a súa integración dentro dos servizos de turismo cultural.
A xornada está orientada aos profesionais do sector turístico e arqueolóxico que traballen tanto nas administracións locais como outras entidades públicas e privadas, ou que teñan interese polo tema. Tamén poden participar nesta experiencia formativa aqueles estudantes de turismo, arqueoloxía e disciplinas afíns.
Esta xornada forma aparte das actuacións da mancomunidade mediante o convenio de colaboración asinado coa Xunta de Galicia a través da Axencia Turismo de Galicia, grazas a esta colaboración póñense prazas a disposición dos concellos e dos seus técnicos de turismo e cultura.
Relacionadas:
-
O Centro de Arte Rupestre de Campo Lameiro rozou en 2017 a cifra de 15.000 visitantes
Por Redacción |
-
Marín acorda coas comunidades de montes a protección dos espazos arqueolóxicos
Por Redacción |
-
Máis de 50 persoas participaron nunha xornada sobre o turismo arqueolóxico
Por Redacción |
-
Terras de Pontevedra convoca os seus primeiros Premios de Comunicación Turística
Por Alejandro Espiño |
-
Un mes de roteiros temáticos de outono
Por Redacción |
-
Propondrán a Fomento a rehabilitación integral dos petróglifos do Lérez
Por Redacción |
-
Medio millón de persoas visitaron a provincia no primeiro semestre de 2017
Por Cristina Saiz |