A rede de saneamento chega ao lugar de Laxes, en Beluso
Por Redacción
O Concello de Bueu está levando a cabo estes días a ampliación da rede de saneamento e abastecemento no lugar de Laxes, en Beluso, onde se instalaron nun total de 220 metros. Así o salientou o alcalde durante a visita que fixo este martes ao lugar, onde informou tamén que xa dende a semana pasada se instalou na zona de Castrelo, en Cela.
E tamén nesta parroquia se instalaron 400 metros de saneamento no Beloso. Así mesmo, e unha vez que se rematen os traballos, procederase á reposición do pavimento.
Estas obras suporán un total de 1.000 metros de instalación de saneamento, e 500 metros en abastecemento, o que supón a continuación da mellora dos servizos básicos no rural, uns traballos que se levarán a cabo noutras áreas do municipio que xa se están estudando por parte dos técnicos municipais.