As familias do colexio de Parada Campañó arranxan o parque infantil
Por Oskar Viéitez
Este mércores volveuse inaugurar o parque infantil do colexio de Parada Campañó.
O recinto non é novo pero loce mellor que nunca grazas ao traballo das familias dos alumnos e os profes deste colexio que acondicionaron o parque.
A finais do pasado curso escolar a comunidade educativa instalou o pavimento. Logo pintaron os dous tobogáns vellos e esta semana remataron o pintado do valado.
A iniciativa custou 12.000 euros dos que a Consellería de Educación achegou 5.000, o ANPA puxo 2.500 e o centro educativo completou os 4.500 restantes.
A festa deste mércores serviu tamén para despedir ao conserxe, Iván Riveiro, que conclúe contrato e despídese do centro.