Una excursión para recoger un premio
Por Redacción
O pasado 26 de xullo dous videoclips elaborados polo alumnado do colexio Carballal durante o curso 2016-17 foron premiados no Festival escolar y universitario de las artes audiovisuales (eMOVE), de ámbito nacional. A gala de entrega destes premios celebrarase o próximo 30 de setembro no teatro Lope de Vega de Madrid.
O eMove Festival ten como obxectivos fomentar a creatividade, a educación en valores e o gusto polas artes. Este concurso diríxese a centros de España e Andorra e só tres colexios de Galicia resultaron premiados nas distintas categorías.
Á comunidade educativa do CEIP Carballal gustaríalle que os premiados puidesen asistir a dita gala para recibir os seus premios e, dado que se vai celebrar moi pronto e o elevado custo da viaxe, está a realizar xestións para abaratalo e que podan asistir o maior número de nenos.
Estas xestións foron dando os seus froitos e xa contan coa colaboración económica dalgunhas empresas, institucións e da administración. A estas xestións sumáronse iniciativas da ANPA e as familias, como a participación nun rastrillo a pasada fin de semana ou a venda de rifas para un sorteo.
O centro está pendente da resposta de varias empresas, que permitirían ao alumnado acadar o seu obxectivo. Por iso fai un chamamento a calquera empresa, entidade ou particular que queira colaborar, para que se poña en contacto no teléfono 886 151 357.