Ampliación de beirarrúas, lombos e carril único para a entrada do CEIP Marcos da Portela
Por Redacción
As medidas de acougado de tráfico chegan á contorna do CEIP Marcos da Portela, en Monte Porreiro.
O concelleiro de Obras, Demetrio Gómez, mantivo unha reunión coa ANPA do colexio e comerciantes da rúa Suecia para presentarlles o proxecto.
A idea do goberno local é ampliar as beirarrúas, instalar pasos de peóns elevados e reducir a circulación do tráfico rodado a un só carril, de sentido único, habilitando prazas de estacionamento a ambos os dous lados cunha reserva para o centro de ensino.
Mentres non se acomete a reforma decidiuse, a partir do próximo luns 18 de setembro, pechar a rúa á circulación durante o horario de entrada e saída dos escolares, é dicir, de 8:45 a 9:15 horas e de 13:45 a 14:15 horas.
Esta medida provisional pretende garantir a seguridade dos nenos e nenas que acoden a clase ao Marcos da Portela.
En canto aos comerciantes da rúa Suecia, Demetrio Gómez volverase reunir con eles o luns 18 para recibir as súas suxestións ao proxecto de reforma.
Relacionadas:
-
O PP leva un "zasca" cos lombos
Por Oskar Viéitez & Mónica Patxot |
-
Buscan un acordo para empregar a Casa dos Mestres do Álvarez Limeses para uso educativo
Por Anxo Lourido |
-
Os alumnos do Marcos da Portela coñecen o ciclo urbano da auga
Por Redacción |
-
Así será o novo mapa de zonificación escolar de Pontevedra
Por Alejandro Espiño |