Carmela Silva recomenda ao PP que tome tila porque "están moi nerviosos"
Por Anxo Lourido
A presidenta da Deputación, Carmela Silva, recomenda ao Partido Popular que tome infusións e, en concreto, tilas para que acouguen. Indica que os populares se atopan moi nerviosos porque queren recuperar a institución provincial e estanse dedicando a mentir.
A presidenta provincial realizaba estas declaracións despois de confirmar que non se reunirá co alcalde de Sanxenxo, Telmo Martín, porque non vai recibir a ningún alcalde que se nomeara a través de procesos como o realizado na vila turística.
Carmela Silva cualificou este cambio de alcalde como un acontecemento "vergoñoso" propiciado polo vicepresidente da Xunta de Galicia e presidente provincial do PP, Alfonso Rueda. A máxima representante da Deputación considera que Telmo Martín é alcalde grazas a unha moción de censura encuberta e preguntouse "a cambio de que?".
E neste sentido, alegou que os populares están a mentir cando a acusan de non reunirse co anterior alcalde Gonzalo Pita durante o seu mandato antes de converterse nun tenente de alcalde e cederlle o cargo a Telmo Martín, do Partido Popular.
A presidenta da Deputación sinalou que se reuniu en media ducia de ocasións con Pita desde o primeiro convenio que asinaron sobre o Pazo de Quintáns. E afirmou que en todos os encontros, o entón alcalde agradecía as intervencións do equipo de goberno provincial asegurando que lle gustaría que todas as administracións públicas fixesen as cousas como se facían desde a Deputación.
Relacionadas:
-
Carmela Silva responde á carta de Telmo Martín: "excusatio non petita accusatio manifesta"
Por Mónica Patxot & Anxo Lourido |
-
Telmo Martín lamenta os "desplantes públicos" que lle fai a presidenta da Deputación
Por Redacción |
-
O PP insta á Deputación a crear unha mesa provincial de Turismo
Por Oskar Viéitez |
-
"Que ninguén se atreva", advirte Carmela Silva, a culpar á Deputación do ocorrido en Sanxenxo
Por Alejandro Espiño |