As avespas velutinas aniñan ata en torres eléctricas
Por Redacción
Os veciños de Curras en Caldas de Reis están preocupados ante a presenza dun niño de avespas velutinas neste lugar da parroquia de Godos. Estes insectos crearon un niño nunha torre eléctrica de media tensión a unha altura que supera os 15 metros e próxima a varias vivendas. Sinalan que leva varios meses neste punto.
O 18 de agosto unha dotación de Protección Civil de Caldas de Reis acudiu ata a torre na que se atopa o niño pero os efectivos deste servizo non puideron actuar á espera de que a compañía eléctrica garanta o corte da subministración eléctrica para evitar que alguén poida resultar ferido na intervención.
O xefe da agrupación de voluntarios, José Sieiro, informou o Centro Integrado de Emerxencias do 112 Galicia da situación e reiterou esta petición o pasado venres 8 de setembro, despois de que un veciño manifestase a súa preocupación a un volutario de Protección Civil.
Con todo, ata o momento Fenosa non ofreceu unha solución para que o operativo poida retirar o niño. Trátase dunha actuación complexa polo lugar no que se atopa o niño da avespa asiática. Sieiro sinala que xa se advertiu desta situación á Policía Local e ao alcalde.
A agrupación alerta de que eles non poden realizar o corte eléctrico e esperan que Fenosa realice o corte canto antes para que leve a cabo a eliminación deste avespeiro. Desde Protección Civil de Caldas engaden que a presenza de niños de velutina converteuse no principal motivo de requirimientos por parte dos veciños e sinalan que a agrupación de voluntarios está a realizar grandes esforzos para poder atender todas as demandas.
Relacionadas:
-
Protección Civil de Caldas, "ao límite da súa capacidade" ante os avisos por avespa velutina
Por Redacción |
-
Os socialistas reclaman á Xunta medidas "contundentes" contra a plaga velutina
Por Redacción |
-
230 niños de velutina retirados en cen días en Pontevedra
Por Redacción |
-
Bueu insta á Xunta a adoptar máis medidas contra a presenza da avespa velutina
Por Redacción |
-
Ponte Caldelas acusa á Xunta de pouca implicación na loita contra a avespa velutina
Por Redacción |
-
Evacúan en helicóptero un madereiro de Campo Lameiro ao ser atacado por avespas velutinas
Por Redacción |
-
Ferido un voluntario de Protección Civil ao caer dunha árbore mentres retiraba un niño de velutinas
Por Redacción |