Dispositivo especial de vixilancia da Garda Civil ante a concentración moteira de Sanxenxo
Por Redacción
A Garda Civil de Pontevedra poñerá en marcha durante a fin de semana, desde o venres 8 de setembro ata o domingo día 10, un dispositivo especial de seguridade con motivo da XXXIII Concentración Mototurística Rías Baixas que se celebra en Sanxenxo.
Desta forma o Subsector de Tráfico reforzará a súa presenza nas estradas da comarca cun operativo de prevención de excesos de velocidade e de conducións temerarias e perigosas en todos os accesos a Sanxenxo e Portonovo.
Ademais levará a cabo unha especial vixilancia sobre o consumo de alcol e drogas, intensificando os controis.
Aínda que a vixilancia sobre o consumo destas substancias é permanente, Tráfico sinalou que se intensificarán os puntos de verificación nas vías secundarias.
As unidades de terra estarán apoiadas a diario desde o aire coa presenza do helicóptero de vixilancia Pegasus.
Relacionadas:
-
Sanxenxo ultima a ordenanza para a posta en funcionamento de cámaras de vídeo vixilancia
Por Oskar Viéitez |
-
Tráfico tramita 70 denuncias na concentración moteira de Sanxenxo, a maioría por exceso de velocidade
Por Oskar Viéitez |
-
Sanxenxo prepárase para a concentración moteira
Por Oskar Viéitez |
-
Trinta e tres anos de paixón moteira en Sanxenxo
Por Redacción |