Os datos de consumo confirman unha tempada turística "moi boa"
Por Oskar Viéitez
O consumo de auga en Sanxenxo nos tres meses que van do 1 de xuño ata o 31 de agosto ascendeu a 915.777 metros cúbicos, o que significa un incremento de 40.000 metros cúbicos respecto ao mesmo período do ano pasado, segundo informou o Concello de Sanxenxo.
Se nos fixamos nos residuos orgánicos (colector verde) xerados entre o 1 de xuño e o 31 de agosto de 2017 suman 4.402.200 quilos, 35 toneladas de lixo máis que o ano pasado.
En canto á recadación do parking de Nauta, o ano pasado recadáronse 285.677 euros e este ano incrementouse en 21.000 euros ata sumar os 306.601 euros.
O goberno local de Sanxenxo aplaude o consenso xeral de que esta tempada turística recupera os niveis máis altos alcanzados antes da crise económica.
"Lonxe de durmirnos nos loureiros, tanto o sector como o goberno, somos conscientes de que hai que seguir mellorando nos meses nos que queda marxe para crecer, é dicir nos meses de maio, xuño, setembro e outubro", sinalaron.