En marcha as obras dun novo tramo da rúa Concepción Arenal
Por Redacción
Este luns 4 de setembro deron comezo os traballos de humanización no tramo da rúa Concepción Arenal entre os cruces de Jaime Janer e a Rúa da Roda.
Os traballos variarán o ancho da calzada e as beirarrúas, que contarán con maior amplitude para favorecer o tránsito peonil. Ademais reordenarase a zona de aparcadoiro e de carga e descarga.
A humanización manterá o carácter de mobilidade actual, conservándose tanto o paso de peóns como de vehículos.
O proxecto complétase cunha renovación de servizos como o saneamento de augas pluviais e residuais, a iluminación pública e a rede de rega para as xardineiras.
A empresa Construcións E.C. Casas é a responsable das obras tras resultar adxudicataria no concurso público por un importe de 161.418,31 euros.