O anteproxecto das piscinas de Campolongo propón unha "revolución total"
Por Oskar Viéitez
O concelleiro de Obras de Pontevedra, Demetrio Gómez, informou este luns que a xunta de goberno local aprobou o estudo de viabilidade para sacar a concurso as obras de reforma e a xestión das piscinas de Campolongo. O seguinte paso administrativo será someter o anteproxecto a exposición pública durante un mes.
Segundo o edil nacionalista, estamos ante unha "revolución total" de todo o espazo interior.
Como avance, Gómez Junquera informou que se mellorará a accesibilidade de todo o recinto dotándoo de ascensor e novos percorridos de evacuación con escleras interiores e novas saídas de emerxencia. Tamén se cambiará o forxado e renovaranse as canchas exteriores.
Renovarase ademais toda a climatización do recinto e a depuración de auga.
O edificio gañará 476 metros cadrados de espazo no soto deixando a superficie total en 4.335 metros cadrados.
Coa nova disposición o recinto estará equipado con catro salas multideportivas na planta soto "máis versátiles e adaptadas ás necesidades actuais". Ademais una delas será de 500 metros cadrados.
As piscinas tamén se renovarán integralmente, do mesmo xeito que sucede co jacuzzi, a sauna e o baño de vapor. Cambiarase o teito, todos os pisos e paredes verticais dos vasos así como as zonas de praia circundantes.
O orzamento estimado alcanza os 3.067.000 euros e o prazo de concesión será de 20 anos.
Relacionadas:
-
Seis empresas, interesadas en reformar e xestionar as piscinas de Campolongo
Por Alejandro Espiño |
-
O Concello agarda "moi boas ofertas" para explotar as piscinas de Campolongo
Por Alejandro Espiño |
-
Impulso á reforma das piscinas de Campolongo: a obra podería empezar este verán
Por Natalia Puga |
-
O PP di que o goberno local presentou o mesmo anteproxecto do PSOE para as piscinas de Campolongo
Por Oskar Viéitez |
-
"Hemos sido estafados", denuncia o PP tras a nova prórroga á concesionaria das piscinas de Campolongo
Por Diego Espiño |
-
O Concello confía en que a reforma das piscinas de Campolongo estea lista no 2018
Por Alejandro Espiño |
-
Piden solucións de emerxencia ante os 35 graos e 90% de humidade das piscinas de Campolongo
Por Redacción |