Críticas por un 'tentadero' taurino en Moraña
Por Redacción
A plataforma' Galicia, Mellor Sen Touradas' e a asociación animalista Libera mostráronse moi críticos co anuncio da celebración dun 'tentadero' taurino durante a XXI Romaría Cabalar de Santa Xusta de Moraña o próximo 3 de setembro.
Ante o anuncio desta actividade, ambos os colectivos anuncian a reactivación da súa campaña de presión cidadá para impedir este acto, do mesmo xeito que ocorreu o pasado mes de xullo con outro previsto en Pontevedra.
Os colectivos mostraron a súa sorpresa pola "tozudez" mostrada pola organización promotora da romaría, que tenta introducir a tauromaquia na comarca dunha maneira case desesperada, e alertaron sobre a presenza dos logotipos da Deputación de Pontevedra e da Xunta de Galicia como entidades colaboradoras.
Ademais, avanzan contactos con ambas as administracións para coñecer que cooperación se puido realizar.
Censuran tamén o estraño interese dos promotores da romaría por incluír actos taurinos que nada teñen que ver coa programación tradicional desta actividade festiva, e por iso tamén critican a pasividade cómplice do Concello de Moraña por posibilitar que se vaia a maltratar a varios animais como parte dunha actividade de lecer.
Relacionadas:
-
Cuestionan a "lentitude" coa que se tramita a denuncia contra o 'tentadero' taurino de Moraña
Por Redacción |
-
Luís Bará critica a organización dun "tentadero" en Moraña con apoio da alcaldesa
Por Redacción |
-
Presentan unha denuncia por "irregularidades" do tentadero de Moraña
Por Redacción |
-
Entregan 104.000 sinaturas reclamando a supresión do convenio municipal cos propietarios da Praza de Touros
Por Mónica Patxot & Anxo Lourido |
-
Denuncian ante a Valedora do Pobo o abono taurino para menores da Feira da Peregrina
Por Oskar Viéitez |
-
Os abolicionistas lanzan unha ofensiva para impedir un tentadeiro en Pontevedra
Por Oskar Viéitez |