Plan especial de tráfico e seguridade para a Festa do Mar
Por Redacción
A Policía Local de Poio deseñou un operativo especial que despregará entre os días 23 e 27 de agosto, coincidindo coa celebración das Festas do Mar en Combarro e co festival Armadiña Rock, no que se espera unha grande afluencia de público.
O obxectivo do mesmo pasa por minimizar no posible os problemas de tráfico nas estradas do municipio e garantir a seguridade na zona.
En quendas de mañá e tarde os axentes da Policía Local habilitarán un dispositivo de tráfico para garantir os accesos a Combarro a todas as persoas que se queiran achegar á mostra gastronómica ou as exposicións.
A recomendación principal pasa por estacionar na zona de aparcadoiro da Seca-Reiboa ou na zona do CEIP Chancelas. Tamén se manterá aberto a zona portuaria da Canteira ata cubrir o límite de prazas. Alí poderán descargar pasaxeiros os autobuses que pretendan acceder a Combarro pero terán que abandonar a zona.
Pola súa banda en horario nocturno centrarase o esforzo en garantir a seguridade e a convivencia cidadá durante as actividades programadas, especialmente nos concerto do Armadiña. Para iso o operativo incrementarase en catro patrullas que estará dispoñibles na zona.
Ademais na Praza da Chousa, onde terán lugar os concertos, contarase cunha ambulancia da Cruz Vermella e presenza da Garda Civil de Pontevedra.
Relacionadas:
-
O PP pide solucións ao "grave problema do estacionamento de Combarro"
Por Oskar Viéitez |
-
Combarro recibiu a 114.000 persoas durante os cinco días da Festa do Mar
Por Oskar Viéitez |
-
O Armadiña Rock bota por fóra cos Heredeiros da Crus
Por Redacción & Diego Torrado |
-
Combarro dá a benvida a unha nova edición da Festa do Mar
Por Diego Espiño |
-
A Festa do Mar chega á 17 edición á espera do recoñecemento como evento de interese turístico
Por Cristina Saiz & Anxo Lourido |
-
17 bandas encherán Combarro de potencia sonora no Armadiña Rock
Por Anxo Lourido |