O arquivo histórico de Cambados trasládase a Exposalnés
Por Redacción
Os ao redor de 3.000 arquivadores con testemuños documentais dende 1837 relativos a Cambados serán trasladados despois de Semana Santa á súa nova situación, o recinto de Exposalnés, no Paseo da Calzada, onde xa se estableceu tamén a oficina de información e turismo.
No arquivo histórico municipal pódense encontrar libros de actas dos diferentes gobernos locais, presupostos dende 1840, censos de poboación ou documentos relativos ás festas populares.
A documentación histórica de Cambados instalarase na primeira planta do edificio, onde tamén se pretende situar o legado que a familia Cabanillas ten previsto doar ao Concello, integrado por cartas, obxectos persoais ou documentos que pertenceron ao poeta.