400 autocaravanas pernoctaron na área de Pontevedra nos últimos catro meses
Por Redacción
A Asociación Galega de Autocaravanas emitiu un informe no que destaca o éxito da área de Pontevedra, inaugurada o pasado 6 de abril nos antigos terreos de Tafisa. Segundo sinala esta asociación, as 20 prazas dispoñibles están practicamente ocupadas cada día.
As fins de semana e festivos, a zona reservada para estes vehículos atópase completa e a previsión é que durante os meses de agosto e setembro se incremente aínda máis o uso deste estacionamento. Durante estos últimos catro meses, arredor de 400 autocaravanas pernoctaron en Pontevedra.
Este colectivo sinala que os foros especializados como CamperContact, Park-4 night ou AC Pasión, destacan a limpeza, calidade das instalacións e a súa localización.
Manuel Fernández-Arruty, o pontevedrés presidente da Asociación Galega de Autocaravanas, subliña que moitos destes visitantes non veñen con prazos de estancia establecidos, polo que ao descubrir a zona e todo o que poden visitar, quedan máis do previsto.
O gasto medio por día e autocaravana é de 50 euros, segundo os diversos estudos sobre este sector que cita a asociación. Trátase, ademais, dun turismo sustentable e responsable realizado por persoas de nivel adquisitivo medio que buscan o contacto coa natureza e o lecer vinculado á cultura.
Fernández-Arruty reclama para Galicia a creación de rutas turísticas vinculadas ás áreas de autocaravanas, tal e como sucede en concellos como o de Palencia.
Relacionadas:
-
Marín prepárase para recibir autocaravanas
Por Redacción |
-
Dúas promotoras impulsan a construción de 200 vivendas nos terreos de Tafisa
Por Alejandro Espiño |
-
O goberno local sitúa en 100.000 euros os beneficios xerados en tres meses polas autocaravanas
Por Redacción |
-
RADIO.- Conversas na Ferrería: A "Ponte" de Babel
Por Marisa Ciordia |
-
Carmela Silva alerta de que as Rías Baixas poden morrer de éxito ante a masificación do turismo
Por Oskar Viéitez & Cristina Saiz |
-
Estrea ao grande para a área de autocaravanas: 160 vehículos chegados de toda España e Portugal
Por Natalia Puga & Diego Torrado |
-
As autocaravanas xa teñen espazo propio en Pontevedra
Por Alejandro Espiño & Mónica Patxot |