Inician as obras dos novos asadores do Lago de Castiñeiras
Por Redacción
Os novos asadores do Lago de Castiñeiras están próximos a ser unha realidade, despois de que nos últimos días se iniciaran os traballos de construción das súas estruturas.
O inicio das obras chega despois de que a Consellería de Medio Rural aceptase o proxecto como piloto para coñecer se é posible autorizar este uso nunha área recreativa que está incluída en zona de alto risco de incendios.
A empresa encargada dos traballos comezou coa instalación da base dos asadores.
Están a habilitarse dous módulos de asadores en dúas zonas diferentes do lago, en terreos que pertencen ás comunidades de montes de Santo Tomé e San Xulián.
A previsión que manexa o Concello de Marín é que a instalación poida estar completada "nunhas semanas", finalizando os labores coa colocación dunhas recomendacións de uso para todos os usuarios co fin de garantir a seguridade da zona.
Relacionadas:
-
En Castiñeiras xa cheira a churrasco
Por Cristina Saiz & Natalia Puga |
-
Medio Rural dá luz verde á instalación de asadores no Lago de Castiñeiras
Por Redacción |
-
Así serán os novos asadores do Lago de Castiñeiras
Por Oskar Viéitez |
-
As comunidades de montes presentarán un Plan Director para a mellora do Lago de Castiñeiras
Por Oskar Viéitez |