Arde un camión que transportaba mercadorías perigosas
Por Redacción
Un camión de transporte de mercadorías perigosas incendiouse esta tarde na peaxe da autopista AP-9 en Figueirido, en Vilaboa.
Segundo informaron fontes do 112, os Bombeiros do Morrazo atenderon este suceso. As lapas afectaron á cabina tractora do camión. Emerxencias Galicia activou a alarma ás 14.59 horas comunicando que estaba ardendo un camión que transportaba mercadorías perigosas.
Esta última circunstancia causou especial preocupación ainda que os Bombeiros do O Morrazo, que desprazaron ao lugar dous camións autobomba, sinalaron que non houbo ningún ferido e que o lume limitouse á cabina do vehículo restándolle gravidade ao suceso.
Ao chegar ao lugar os bombeiros observaron que o incendio se producira na roda diantera da cabeza tractora e procederon a aplicar auga. O tráfico non se viu afectado.
O produto transportado era nºONU 2015 peróxido de hidróxeno, un produto moi comburente e que se emprega para branquear pasta de papel e o 90% combustible para cohetes. Segundo informaron os Bombeiros a mercadoría ía destinada á fábrica de ENCE.
Ao ser un conductor de nacionalidade extranxeira, a Gardia Civil de Tráfico inmovilizou o vehículo xa que detectou varias irregularidades.