O porto de Marín incorpora un novo remolcador para ampliar os seus servizos a buques
Por Redacción
O Consello de Administración aprobou este xoves autorizar a incorporación do remolcador "A. ALONSO" á prestación do servizo portuario de remolque.
Trátase dun potente buque de 70 toneladas de tiro que amplía a frota de remolcadores da empresa Amar Marín e permitirá seguir ofrecendo un servizo áxil e de calidade aos mercantes de maior porte, cada vez máis habituais nos peiraos marinenses.
O novo remolcador foi construído no estaleiro Nodosa.
O consello tamén foi informado da evolución do tráfico de mercadorías durante os cinco primeiros meses do ano. As cifras provisionais ata o mes de maio rexistran un crecemento global dun 11,34% con respecto ao mesmo período do exercicio anterior. O número de buques que atracaron nos peiraos do Porto de Marín tamén creceu con respecto ao ano pasado, así como o seu GT ou capacidade.
Por outra banda, o Consello de Administración aprobou inicialmente o Plan de Empresa 2018 que terá que ser ratificado durante o mes de xullo por Portos do Estado.
Relacionadas:
-
Nodosa deseña o primeiro buque bateeiro de recollida e procesado de mexillón a bordo
Por Oskar Viéitez |
-
O BOE publica as licenzas de ocupación para tres empresas do Porto de Marín
Por Redacción |
-
A ampliación da terminal de colectores permitirá dobrar a capacidade dos barcos que recibe o porto
Por Oskar Viéitez |
-
O estaleiro de Praceres e Nodosa atópanse a pleno rendemento
Por Oskar Viéitez |
-
Un millón de toneladas en seis meses
Por Redacción |
-
O porto recibe o maior buque graneleiro no que vai de ano
Por Redacción |
-
O Porto de Marín financiará as obras de mellora da liña ferroviaria Redondela-Arcade
Por Redacción |
-
O porto e o campus de Pontevedra exploran vías de colaboración
Por Redacción |